Një masakër e vërtetë me 11 të vrarë ka ndodhur në Mal të Zi pasditen e sotme, në zonën e Cetinjës.
Pas një konflikti familjar, një person ka vrarë dhjetë vetë, ndërsa në fund është vrarë nga policia.
Krahas viktimave 11 persona të tjerë kanë mbetur të plagosur.
Autori i ngjarjes është një 34-vjeçar i identifikuar si Vuk Boriloviq, i cili pas një debati ka qëlluar me breshëri të shtënash mbi familjarët.
Nga të dhënat paraprake dyshohet se mes viktimave ka edhe fëmijë. Policia e cila ndodhet në vendin e ngjarjes, po heton për të zbuluar më shumë mbi rrethanat e asaj që ka ndodhur, teksa edhe një polic është plagosur.
Duke rindërtuar ngjarjen, bëhet e ditur se autori, pasi ka vrarë familjarët, ka dalë në rrugë dhe ka vijuar të qëllojë me armë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
