Një ortek në Alpet Franceze ka vrarë katër skiatorë norvegjezë, të cilët u morën përpara nga një ortek dëbore dhe akulli jashtë pistës, në rajonin juglindor Savoie.
Po të mërkurën, një ortek pranë Chamonix, në rajonin Haute-Savoie, vrau një skiator zviceran, sipas zyrës së prokurorit publik në Bonneville.
Viktimat norvegjeze ishin pjesë e një grupi prej shtatë skiatorësh të kapur nga orteku në Val-Cenis, në kufirin me Italinë.
Tre alpinistë humbën jetën në vend ndërsa një grua, vdiq pasi u dërgua në spitalin në Grenoble me një arrest kardio-respirator dhe hipotermi të rëndë, tha një zyrtar në departamentin e prefektit të Savoie..
Të gjithë ishin të pajisur me fenerë orteku ndërsa ishin të angazhuar në turne skish jashtë pistave, tha kryetari i bashkisë së Val-Cenis, Jacques Arnoux.
“Ishte një ortek me përmasa të mëdha që u shkaktua jashtë zonës së skive,” tha ai.
Një ekip prej 10 specialistësh të shpëtimit në malet e larta u bashkuan në operacion.
Mes viktimave në ortekun e Haute Savoie të mërkurën ishte një grua 30-vjeçare e cila po bënte ski jashtë pistës në faqen veriore të Aiguillette des Posettes në masivin Mont Blanc, sipas zyrës në Bonneville.
Ajo ishte me të atin, i cili mbeti i padëmtuar dhe vëllain e saj, i cili u dërgua në spital për kontroll.
Të tre ishin të pajisur me transmetues dhe airbag kundër ortekëve, shtoi prokuroria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
