Dy shqiptarë janë vënë në pranga në Itali pasi u kapën me atë që cilësohet si sasia më e madhe e drogës e kapur vitet e fundit në Abruzzo. 34 kilogramë heroinë u gjetën nga karabinierët në një shtëpi në bregdetin verior të Montesilvanos, në Chietti. Dy të arrestuarit janë Alfred Tusha dhe Leonard Spahiu, 28 dhe 48 vjeç. Me sasinë e drogës që ata dispononin, nëse llogarit edhe rritjen e çmimeve, dy shqiptarët do të siguronin një shumë prej rreth 2 milionë eurosh. Dy të arrestuarit, pa precedentë të tjerë në shtetin fqinj, e kishin marrë me qira shtëpinë ku u kap sasia e kokainës.
Ka qenë një kontroll fizik rutinë që i ka nxjerrë zbuluar dy shqiptarët. Pasi një person me precedentë në fushën e drogës është parë në shoqërinë e tyre, karabinierët i kanë kontrolluar dhe u kanë gjetur dy pako me nga 500 gramë heroinë.
Kjo ka çuar në kontrollin e banesës së tyre, e cila për policinë ka rezultuar një laborator i mirëfilltë, i pajisur me të gjitha mjetet për ndarjen dhe paketimin në doza.
"Padyshim që sasia e madhe e lëndës të sekuestruara do të bëjë të vështirë aksesin në drogat e rënda në tregun e paligjshëm të Abruzzos, rrethanë që paraqet një goditje serioze për ekonominë kriminale që shfrytëzon dramën e shumë të rinjve të varfër", thuhet në një njoftim të policisë lokale.
"Megjithatë, ndërsa këta të fundit vazhdojnë të jenë të izoluar, një element sigurisht pozitiv për shëndetin e tyre dhe sinjalet që vijnë nga zona flasinpër përmirësimin e kushteve të shumë të varurve nga droga, të cilët janë të detyruar të qëndrojnë në karantinë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
