Drejtori i përgjithshëm i Agjencisë ndërkombëtare për energjinë atomike, Rafael Grossi, doli në një konferencë të jashtëzakonshme për mediat, pasi centrali nuklear i Zaporizhzhia, në Ukrainë, u goditë nga pala ruse.
“Aktualisht kemi një situatë anormaliteti. Nga të gjitha njësitë e centralit të i Zaporizhzhia, vetëm njëra po punon me 60% të kapacitetit të saj. Nga ajo që kuptojmë, goditja erdhi nga pala ruse. Nuk kemi informacion se me çfarë u godit. Jemi me fat, pasi nuk pati asnjë lloj rrezatimi në ambientin përreth dhe integriteti i reaktorit u garantua”.
Grossi tha se pas sulmeve, është gati që të shkojë në Chernobyl, si përgjigje për asistencën e kërkuar nga Kievi.
“Ne duhet të reagojmë dhe jo të injorojmë”, tha ai.
Ai e mbajti konferencën virtualisht ndërsa ndodhej në Teheran për një çështje të veçantë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
