Papa Françesku dënoi "masakrën e Bucha" dhe puthi një flamur ukrainas që ai tha se i ishte dërguar nga qyteti gjatë audiencës së tij javore në auditoriumin e Vatikanit.
“Lajmet e fundit nga lufta në Ukrainë, në vend që të sjellin lehtësim dhe shpresë, sollën mizori të reja, si masakra e Buchës. Mizoria që është gjithnjë e më e tmerrshme, madje edhe kundër civilëve, grave dhe fëmijëve të pambrojtur”, citon Reuters të ketë thënë Papa.
Të martën në Këshillin e Sigurimit të OKB-së, presidenti ukrainas Volodymyr Zelensky akuzoi ushtrinë ruse për kryerjen e krimeve më të këqija që nga Lufta e Dytë Botërore.
Kremlini ka pohuar se nuk ka asnjë provë që trupat ruse kanë kryer mizoritë për të cilat janë akuzuar.
Papa Françesku shpalosi një flamur ukrainas që ai tha se i ishte sjellë nga Bucha dhe e mbajti lart për audiencën, e cila shpërtheu në duartrokitje.
Ai më pas i kërkoi një grupi fëmijësh refugjatësh që mbërritën të martën nga Ukraina që t'i afroheshin.
"Këta fëmijë duhej të iknin për të mbërritur në një tokë të sigurt. Ky është fryti i luftës. Le të mos i harrojmë ata dhe të mos harrojmë popullin ukrainas," tha ai, përpara se t'i jepte secilit fëmijë një dhuratë nga një vezë çokollatë të Pashkëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
