Eksperti i IT-së, Besmir Semanaj për pesë urdhrat e arrestit të lëshuar nga Prokuroria Tiranë lidhur me sulmin kibernetik të pësuar nga vendi ynë, deklaron se ishte Agjencia Kombëtare e Shoqërisë së Informacionit ajo që drejtoi me gisht se kush duhej arrestuar dhe jo organi i akuzës.
Në një lidhje për MCN Live, ai deklaroi se do ishte më mirë që Prokuroria mos të vepronte fare se sa në këtë mënyrë, pasi tha se kemi të bëjmë me 5 specialistë IT, që janë hallka e fundit në hallkën e administratës shqiptare.
Kemi një shtet që çedoi totalisht, një shtet që dështoi në çdo ballkë të sistemit. Kemi një AKSHI që informacionet i kanë dalë që me listat e patronazhistëve në prill 2021, që pas patronazhistëve dolën targat, pagat, përsëri nuk u mor asnjë masë adminisitrative. Kemi një AKSH që u hakërrua.
Sulmi mund të ketë filluar nga administrata.al, kushdo mund të hakerohet, por nuk mund të kesh përgjegjësi penale se hakerimi i sistemit është një sistem.
Por nuk kemi të bëjmë me hakerim sistemi, por të një shteti. Mbase nuk kanë zbatuar disa udhëzime, por ky server nuk ishte i menaxhuar nga AKSHI por i hostuar, si ka mundësi që nga ky server krijohet akses në gjithë strukturën e AKSHI-t.
Duhet të kemi gjithë kupolën e AKSHI-t pas hekurave në këto momente, nuk mund ta nisim nga fundi.
Si ka mundësi që AKSHI nuk e dinte që po i dilnin emailet, që prej 14 muajsh ishte hakeruar. AKSHI nuk kthen përgjigje, ka heshtur.
Nuk e ka kërkuar Prokuroria urdhrin e arrestit. Por thuhet se janë evidentuar dhe nominmuar nga AKSHI dhe Prokuroria ia hedh AKSHI-t, se ishte AKSHI që iu vendosi gishtin.
Më vjen shumë keq, më mirë mos të kishim hetim se sa të hidhet hi syve qytetarëve. A kemi njeri pas hekurave për patronazhistët dhe targat? Gishtin e ka drejtuar AKSHI, është AKSHI që ka nxjerr urdhër arrestet për këto 5 kolegë.
Nuk mundet që për një sistem të kenë përgjegjësi pesë persona. Ajo është gjithë struktura që DAP-i ka, 5 IT. I bie që për gjithë IT-në e një institucioni të jenë arrestuar të gjithë.
Po kush e kishte për detyrë të kontrollonte specialistët, ku raportonin këta specialistë?
Si ka mundësi që ky institucion është kaq i shenjtë, që kemi dalje informacioni ditë pas dite, muaji pas muaji, jo vetëm nga hakerat iranianë, por edhe nga brenda.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
