I dërguari i OKB-së për Sirinë ka thënë se situata atje po ndryshon nga minuta në minutë dhe ka bërë thirrje për qetësi dhe shmangien e gjakderdhjes.
Geir Pedersen gjithashtu bëri thirrje për bisedime urgjente në Gjenevë për të siguruar “tranzicion të rregullt politik” të negociuar të pushtetit midis qeverisë siriane dhe opozitës.
Pedersen tha se ai kishte folur me përfaqësuesit e Iranit, Rusisë, Turqisë, SHBA-së, Francës, Britanisë së Madhe, Gjermanisë dhe BE-së, të cilët "po mbështesin këtë thirrje".
Ai shtoi se shpreson të shpallë një datë për këto bisedime "shumë shpejt". Komentet e diplomatit norvegjez vijnë pasi forcat rebele arritën në periferi të kryeqytetit Damask.
Protestuesit të shtunën rrëzuan një statujë të babait të ndjerë të presidentit të Sirisë në një shesh kryesor në një periferi disa milje larg qendrës së kryeqytetit.
Sipas burimeve të ushtrisë dhe rebelëve, kryengritësit hynë në Homs nga veriu dhe lindja të shtunën.
Ndërkohë, rebelët kanë shtrirë kontrollin e tyre pothuajse në të gjithë jugperëndimin, duke pretenduar se kanë marrë Sanamayn në rrugën kryesore nga Damasku në Jordani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
