Të paktën dy persona humbën jetën dhe disa të tjerë u plagosën pasi tornado të shumta goditën Teksasin dhe Misisipin të shtunën, duke dëmtuar shtëpitë dhe duke përmbysur makina, si pasojë e motit të keq.
Një person vdiq në zonën e Liverpoolit, që ndodhet në jug të Hjustonit, dhe katër persona pësuan lëndime, tha Madison Polston, zëdhënëse e Zyrës së Sherifit të Qarkut Brazoria.
Ajo deklaroi se deri më tani zyrtarët numërojnë rreth 10 shtëpi të dëmtuara, por ende po punonin për të përcaktuar shkallën e dëmit.
Në qytetin jugperëndimor të Misisipit, Natchez, moti i keq ishte përgjegjës për një vdekje dhe dy lëndime, tha Malary White, zëdhënëse e Agjencisë së Menaxhimit të Emergjencave të Mississippi, në një email për CBS News.
Shërbimi Kombëtar i Motit tha se dy tornado goditën qytetet e afërta në jugperëndim të Misisipit, Bude dhe Brandon, duke dëmtuar çatitë nga disa ndërtesa.
Të paktën gjashtë tornado goditën zonën e Hjustonit.
Jason Smith, zëvendës shefi i stafit për Montgomery County, i cili ndodhet në veri të Hjustonit, i tha CBS News se 50 deri në 100 shtëpi u dëmtuan nga moti i keq që rrëzoi pemët dhe linjat e energjisë elektrike.
Smith shtoi se të paktën dy persona u shtruan në spital, por deri më tani nuk ka raportime për lëndime kritike.
Stuhitë shkaktuan vonesa të nisjes prej më shumë se një orë pasditen e së shtunës në dy aeroportet kryesore të Hjustonit. Bush Intercontinental dhe Hobby, sipas faqes së internetit FlightAware.
Që nga mëngjesi i së dielës, më shumë se 67.000 klientë ishin pa energji në Misisipi, sipas gjurmuesit të shërbimeve PowerOutage.us . 59.000 të tjerë ishin pa energji në Georgia dhe 21.000 ishin pa energji në Luiziana.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
