Kryeministri Edi Rama foli sot për modernizimin e administratës së kuvendit në aspektin teknologjik dhe një godinë të re për Parlamentin. Kreu i qeverisë, duke folur para grupit parlamentar, u shpreh:
“Aspekti i ndryshimeve brenda për brenda pushtet legjislativ, që e filluam me komisionet, qoftë nga kryetrarët e komisioneve, anëtarët për të diskutuar, do dëgjojmë se çfarë opinioni keni lidhur me këtë formulë të re që kemi me ndarjen e komisioneve dhe duhet ta vazhdojmë me administratën e kuvendit, që duhet të modernizohet dhe duhet të mbështetet nga një transformim i rëndësishëm teknologjik, punë për së cilën me siguri do të flasë kryetari. Nga ana tjetër duhet sigurisht që të vendosim edhe piketat, me një kalendar të qartë, për godinën e re të Parlamentit të Shqipërisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
