Pas pezullimit nga detyra të Erion Ismailit, me urdhër të Struktura e Posaçme kundër Korrupsionit dhe Krimit të Organizuar (SPAK), si nëndrejtor i Policisë së Tiranës, në vend të tij është komanduar Besmir Dervishi, raporton për “MCN Live” gazetari Besmir Pula.
Besmir Dervishi është emëruar sot në detyrën e nëndrejtorit të Policia e Shtetit për qarkun e Tiranë.
Më herët, këtë post e mbante Erion Ismaili, i cili u pezullua nga detyra në kuadër të një operacioni të SPAK, pas hetimeve që lidhen me tenderët në Agjencia Kombëtare e Shoqërisë së Informacionit (AKSHI).
Dervishi ka mbajtur më parë disa funksione në radhët e Policisë së Shtetit, duke shërbyer si shef i Komisariatit nr. 3 dhe nr. 5 në Tiranë, ndërsa së fundmi ishte shef i Seksionit të Krimeve ndaj Pronës në Drejtorinë Vendore të Policisë Tiranë.
Kujtojmë se Ismaili u pezullua më 16 dhjetor të vitit të kaluar, në kuadër të operacionit të SPAK, pas hetimeve që lidhen me AKSHI-n.
Erion Ismaili është thirrur dhe më parë në SPAK, dhe prokuroria ka kërkuar edhe pezullimin e tij nga detyra si pjesë e hetimit për shkelje në procedurat e tenderëve të AKSHIi-t.
Hetimi përfshin shkelje të barazisë në tenderë, korrupsion, shpërdorim detyre dhe aktivitete të lidhura me grupin e strukturuar, ku janë përfshirë edhe zyrtarë të tjerë dhe biznesmenë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
