Ndërsa Maqedonia dhe Greqia nisin bisedimet për arritjen e një marrëveshjeje për çështjen e emrit, një nga aleatët në qeverisjen greke thotë se nuk e pranon emrin Maqedoni.
Ministri grek i Mbrojtjes, Panos Kamenos, deklaroi se partia e tij Grekë të Pavarur, thotë se nuk do ta pranojë fjalën Maqedoni, shkruan “Kathimerini” në versionin online.
Kamenos ka thënë se mbeten në pozicionin të vitit 1992, kur në takimin e liderëve partiakë nën patronazhin e presidentit të atëhershëm Konstantin Karamanlis, termi “Maqedoni” në emrin e shtetit fqinj nuk u cilësua opsion i pranueshëm për Greqinë. Siç raporton MIA, Kamenos është shprehur se për ndryshim të këtij pozicioni do të nevojitet mbledhje e re me presidentin aktual, Prokopis Pavlopulos.
“Kathimerini” komenton se ky pozicion i liderit të partisë aleate do ta detyrojë Ciprasin të mbështetet në parti të tjera që të sigurojë konsensus për këtë çështje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
