Jonathan, breshka më e vjetër në botë mbush 190 vjeç

Jonathan, breshka më e vjetër në botë, feston ditëlindjen e 190-të në ishullin e Shën Helena, një territor britanik në Oqeanin Atlantik.

Jonathan është breshka më e vjetër e regjistruar ndonjëherë dhe kafsha më e vjetër e njohur e tokës. 

Ai hyri në Librin e Rekordeve Guinness në fillim të këtij viti.

Kafsha ka jetuar në Shën Helena që nga viti 1882 dhe mosha e saj është vetëm një vlerësim. Një foto e bërë pas mbërritjes së breshkës në ishull tregon se ishte tashmë të paktën 50 vjeç në atë kohë, por me siguri është më e vjetër. 

Kafsha ka parë 35 guvernatorë të kalojnë nëpër këtë territor britanik përtej detit, por i mungonte Napoleoni, i cili ishte në mërgim në ishull nga viti 1815 deri në 1821.

Për të festuar përvjetorin, banorët e Shën Helenës organizuan nga e premtja tre ditë festime për  Jonathan-in i cili është i verbër, por me një dëgjim të paprekur.