“Janë rritur çmimet e veprave dhe shitjet”, Koçibelli: Njerëzit po kuptojnë që arti kushton

Gazetarja Jetona Koçibelli tha në emisionin “Arnautistan” se emisioni dedikuar artit “Artkand” ka ndikuar në rritjen e shitjeve dhe çmimeve të veprave të artit.

Koçibelli tha se njerëzit në Shqipëri po kuptojnë se arti vlerësohet dhe kushton.

Në studiot e artistëve janë rritur shitjet dhe janë rritur çmimet e veprave të artit. Programi Artkand indirekt ka vajtur te ata. Njerëzit po kuptojnë se arti vlerësohet dhe arti kushton. Klientët tanë janë njerëz që e vlerësojnë artin dhe i përkasin botës së biznesit më shumë, që kanë edhe mundësi për të blerë art. Sepse unë mendoj që pasi i ke plotësuar të gjitha vjen arti. Kemi prezantuar 400 vepra arti dhe pothuajse kemi pasur shitje në çdo program. Zien bota nga tregu i artit, një koleksion mund të vlejë sa një ekip futbolli. Shpresoj që Shqipëria së shpejti ta përfshijë këtë trend, që përkthehet në pasuri sepse investim është”.

E pyetur se ku e sheh veten në të ardhmen, moderatorja u shpreh:

E sigurt është që s’do ta humbas kurrë komunikimin me publikun, por s’e di nëse do të vazhdojë të jetë televizioni, shkrimi”.