Paqja në Bashkimin tonë nuk mund të merret më si e mirëqenë, deklaroi Presidentja e Komisionit Europian Ursula von der Leyen, duke folur në seancën plenare të PE për RearmEu.
“Ne po përballemi me një krizë të sigurisë evropiane. Por ne e dimë se Evropa është ndërtuar gjithmonë në kriza. Pra, kjo është koha për paqe përmes forcës. Është koha për një mbrojtje të përbashkët. Më shumë guxim do të nevojitet në javët dhe muajt e ardhshëm. Dhe zgjedhjet më të vështira na presin. Koha e iluzioneve ka mbaruar”, u shpreh ajo.
"Në Këshillin Evropian, pashë një nivel konsensusi për mbrojtjen evropiane që jo vetëm që është i paprecedentë, por ishte krejtësisht i paimagjinueshëm vetëm disa javë më parë. Ekziston një vetëdije e re se ne duhet të mendojmë ndryshe dhe të veprojmë në përputhje me rrethanat," vuri në dukje von der Leyen.
Po ashtu ajo shtoi se rendi i sigurisë evropiane është tronditur dhe “shumë nga iluzionet tona po shkatërrohen”. Von der Leyen më pas citoi Alcide de Gasperi, duke nënvizuar nevojën për një mbrojtje të përbashkët "si një pengesë" për ata që kërcënojnë një Evropë të bashkuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
