Ministri i Financave, Arben Ahmetaj e ka vlerësuar 2016-ën si të parin vit në 25 vite që është mbyllur me me sufiçit buxhetor. Gjatë diskutimit për buxhetin faktik, Ahmetaj e vlerësoi vitin e kaluar si të suksesshëm edhe në luftën kundër informalitetit.
“2016-a, viti i parë me sufiçit buxhetor në 25 vite. 2016-a viti i avancimit të anti-informalitetit. Investimet vazhdojnë të jenë gjeneratori kryesor i rritjes ekonomike”, deklaroi Ahmetaj nga foltorja e Kuvendit.
Duke u ndalur në borxhin publik, Ahmetaj tha se ai ka hyrë në trajektoren rënëse.
“2016 ndau dy kohë dhe korrektoi të gjithë trashëgiminë e borxhit. Shënoi vitin e parë që lamë pas krizën dhe u larguam nga skenari grek”, u shpreh Ahmetaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
