Krim makabër në Korçë, babai var dy fëmijët e mitur dhe veten

Një krim i rëndë në familje ka tronditur Korçën mëngjesin e sotëm.

Ngjarja ka ndodhur në lagjen nr. 4 të qytetit.

Sipas të dhënave të para, babai i dy fëmijëve të mitur i ka varur këta të fundit, ndërsa më pas edhe veten.

Policia ka gjetur mëngjesin e sotëm trupat e pajetë të tre personave. 

Viktimat u identifikuan si Naum Toshi, 41 vjeç, dhe dy djemtë e tij, 4 dhe 6 vjeç.

Mësohet se trupat janë gjetur fillimisht nga babai i 41-vjeçarit, i cili ka shkuar mëngjesin e sotëm në shtëpinë e të birit. Ai ka gjetur një letër ku shkruhej “ngjituni lart” dhe menjëherë është ngjitur në katin e dytë të banesës ku ka gjetur tre viktimat.

Mësohet se 41-vjeçari Toshi jetonte vetëm me të dy fëmijët. Nëna e fëmijëve ishte larguar nga shtëpia dy muaj më parë.