Diktatori Kim Jong Un u shfaq pa maskë në funeralin shtetëror të një oficeri të lartë ushtarak, raportoi media shtetërore koreano-veriore. Dalja e tij publike pa maskë vjen pak ditë pasi Pheniani pretendoi se pandemia ishte vendosur nën kontroll.
Kim mori pjesë të dielën në funeralin e Hyon Chol Hae, një marshall i Ushtrisë Popullore koreaneveriore.
Agjencia Qendrore Koreane e lajmeve publikoi foto të Kim-it, i cili nuk mbante maskë teksa mbante në duar arkivolin, së bashku me zyrtarë të tjerë të regjimit.
Ndonëse Kim Jong Un fajësoi pak ditë më parë zyrtarët e shtetit për përkeqësimin e situatës me pandeminë, shembulli që ai jep nuk përputhet me qëndrimet e tij.
Gjatë fundjavës, KCNA tha se epidemia tani "po kontrollohej në mënyrë të qëndrueshme" dhe raportoi se numri i vdekjeve "ulej ndjeshëm dita ditës".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
