Basha kujton masakrën e Reçakut: Simbol i sakrificave të shqiptarëve të Kosovës për liri

Kryetari i Partisë Demokratike, Lulzim Basha, kujton masakrën e Reçakut, duke e cilësuar si simbol të sakrificave për liri.

Me anë të një mesazhi në rrjetet sociale Basha thotë se masakra e Reçakut është një ndër ngjarjet më tragjike dhe më të dhimbshme të rrugëtimit të Kosovës drejt lirisë dhe pavarësisë.

Martirizimi i 45 njerëzve të pafajshëm 25 vite më parë, shënoi një pikë kthese në ndërgjegjësimin e komunitetit ndërkombëtar për masakrat dhe genocidin që regjimi i Milosheviçit po kryente në Kosovë.

Masakra e Reçakut mbetet simbol i sakrificave së shqiptarëve të Kosovës për liri.

Drejtësia për të dhe gjithë masakrat vrasjet dhe torturat e ushtruara ndaj popullsisë civile të Kosovës është jetike për t’u siguruar që historia të mos përsëritet sërish dhe për të ndërtuar një të ardhme më të mirë, të bazuar në paqe dhe respekt të ndërsjellë.

I paharruar kujtimi i martirëve të Reçakut!