Të paktën 52 palestinezë janë vrarë dhe 2.400 të plagosur nga trupat izraelite, thonë zyrtarët palestinezë, në ditën më vdekjeprurëse të dhunës që nga lufta e Gazës 2014.
Palestinezët kanë protestuar për javë të tëra, por vdekjet u rritën ditën kur SHBA hapi ambasadën e saj në Jerusalem.
Të plagosurit e kësaj të hëne të përgjakshme përfshijnë 74 fëmijë dhe 23 gra, sipas raporteve të ministrisë.
Palestinezët e shohin këtë si mbështetje të qartë amerikane për sundimin izraelit mbi të gjithë qytetin, pjesa lindore e të cilit ata pretendojnë si kryeqytetin e tyre të ardhshëm.
Por presidenti i SHBA Donald Trump i cili nuk mori pjesë në inagurim përshëndeti lëvizjen e ambasadës në një mesazh video.
Zyrtarët e lartë të SHBA, duke përfshirë vajzën e presidentit Trump, Ivanka dhe bashkëshortin e saj, ishin të pranishëm në ngjarjen e së hënës.
Sundimtarët islamikë të Gazës, Hamas, kanë bërë protesta masive në një "Marshim të Madh të Kthimit" për gjashtë javët e fundit. Izraeli thotë se demonstruesit po përpiqen të shkelin gardhin kufitar.
Fëmijët ishin mes të vrarëve gjatë të hënës, thotë ministria e shëndetësisë e drejtuar nga Hamasi, raporton BBC.
Palestinezët hodhën gurë dhe bomba me zjarr, ndërsa tym i zi mbuloi qiellin nga gomat e djegura. Nga ana tjetër ushtria izraelite përdori snajperë dhe në një deklaratë të saj tha se 35,000 palestinezë po merrnin pjesë në "protestat e dhunshme" përgjatë gardhit të sigurisë dhe se trupat e ushtarake izraelite po vepronin "në përputhje me procedurat standarde".
Një 14-vjeçar dhe dy të rinjë të 20-tave ishin në mesin e 37 të vrarë përgjatë kufirit të Gazës me atë që është tashmë dita më e përgjakshme në konfliktin izraelito-palestinez që nga lufta e vitit 2014 mes shtetit hebraik dhe sunduesve islamikë të Hamasit në Gazës.
Rusia tha sot se kishte frikë se hapja e ambasadës do të rriste tensionin në Lindjen e Mesme ndërkohë që presidenti i Turqisë, Tayyip Erdogan, paralajmëroi SHBA se kishte humbur rolin e saj si ndërmjetës në rajon dhe tani ishte "pjesë e problemit më tepër se zgjidhja".
Mes tensioneve në rajon, shefi i al-Kaidës Ayman al-Zawahiri natën e fundit bëri thirrje për ndjekës për të kryer xhihad kundër Amerikës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
