Një shpërthim i fuqishëm ka ndodhur në një qytet jugor të Turqisë ku një fëmijë ka mbetur i vdekur dhe të paktën 15 persona të tjerë të plagosur.
Sipas mediave vendase, shpërthimi pati në shënjestër gjykatësit dhe prokurorët në Viransehir, në provincën Sanliurfa, në kufirin me Sirinë.
Agjencia e lajmeve “Anadolu” deklaroi se fëmija i vdekur ishte i moshës 3-vjeçare. Sulmi ka ndodhur rreth orës 8 të mbrëmjes, ndërsa në vendngjarje shkuan menjëherë policia dhe ambulancat. Ende nuk ka asnjë organizatë që të ketë marrë përsipër përgjegjësinë e këtij sulmi.
Por qytetet dhe fshatrat e Turqisë janë goditur nga një seri sulmesh gjatë vitit të kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
