Pas disa javë polemikash, Senati amerikan është i vendosur për një votim përfundimtar mbi konfirmimin e kandidatit të presidentit Donald Trump në Gjykatën Supreme, Brett Kavanaugh.
Nëse senatorët nuk ndryshojnë qëllimet e tyre të votimit, gjyqtari Kavanaugh do të emërohet në gjykatën e lartë të SHBA.
Sipas BBC, votimi pritet rreth orës 17:00 me atë lokale dhe 21:00 me atë europiane
Kavanaugh ka qenë i përfshirë në një betejë të hidhur për të shmangur akuzat për sulmet seksuale.
Nëse konfirmohet, pozicioni është i përjetshëm. Disa orë para se senatorët e pavendosur të bënin publik qëndrimin e tyre, Senati amerikan e kaloi me vështirësi të nominuarin e Donald Trump drejt fazës së votimit final.
Votimi procedurial i së premtes, me 51 vota pro dhe 49 kundër, ishte një test për mbështetjen e të nominuarit, që është përballur me akuza për sjellje të gabuar seksuale nga 3 gra, përfshirë pedagogen Christine Blasey Ford.
Nëse Kavanaugh konfirmohet, ai do të zëvendësonte gjyqtarin Anthony Kennedy, i cili doli në pension si anëtar i Gjykatës së Lartë.
Një tjetër ish-anëtar i kësaj gjykate John Paul Stevens, fillimisht ishte mbështetës i zotit Kavanaugh, por tani thotë se kandidati nuk e meriton të jetë në Gjykatën e Lartë.
Në Shtetet e Bashkuara Gjykata e Lartë shihet si një institucion mjaft i respektuar dhe me rëndësi të madhe kombëtare pasi ajo merr vendime në interpretim të Kushtetutës që mund të kenë ndikime për një brez të tërë amerikanësh.
Konfirmimi i Kavanaugh do t'i jepte Trump një fitore të qartë në përpjekjen e tij për të çimentuar dominimin konservator të gjykatës së lartë, një rezultat i hidhur për demokratët të cilët nuk mundën të fitonin kandidatin e tyre liberal për shkak të taktikave të vonuara republikane në 2016.
Konfirmimi i tij do të lejojë gjithashtu që Trump të marrë shumë pikë në fushatën përpara zgjedhjeve të 6 nëntorit që mbajnë premtimin e tij të vitit 2016 për të formuar një gjyqësor më konservativ amerikan, shkruan Reuters.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
