Ambasada Amerikane është kundër kërkesës së opozitës për ndryshimin e Kushtetutës sa i përket ligjit për Prokurorinë. Përmes një postimi në “Facebook”, Ambasada Amerikane thekson se mbështet opinionin e Euralius dhe OPDAT lidhur me këtë çështje.
“Kushtetuta dhe ligji për Prokurorinë janë të qarta. Ambasada e SHBA mbështet opinionin ligjor që OPDAT dhe EURALIUS i kanë dhënë Parlamentit”, shkruhet në postimin e risjellë, pasi ishte publikuar për herë të parë në 7 dhjetor.
Pak ditë më parë Partia Demokratike dhe LSI kërkuan ndryshimin e ligjit për të zgjedhur Prokurorin e Përgjithshëm të Përkohshëm me 3/5 e votave të Kuvendit dhe pasi të ketë kaluar procesin e vetingut. Dy partitë e opozitës nuk morën pjesë në votimin e 18 dhjetorit në Parlament, kur Arta Marku u zgjodh kryeprokurore e përkohshme vetëm me votat e maxhorancës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
