Ilir Meta nga sot nuk do të jetë më kryetari i LSI, pas 13 vitesh drejtim të kësaj force politike.
Konventa e Kombëtare e LSI ka zgjidhur kryetar të saj, Petrit Vasilin dhe zv/kryetare të kësaj force politike Monika Kryemadhin.
Ndryshimet në drejtimin e LSI u bënë pas zgjedhjes së Ilir Metës President të Republikës.
Petrit Vasili në fjalën e tij tha se qëllimi i vetëm i tij është që LSI të dalë forcë e parë politike.
“Sot nuk u fsheh dhe po iu flas me zemër në dorë… Është e qartë që nuk ka sallë që na mban. Duhen fusha të gjera. LSI ka të drejtë të thotë që do të jemi forcë e parë. Forcë e parë, s’kemi ça bëjmë tjetër. LSI kjo është kryefjala jonë. Pas kaq vitesh, kam nderin që të jem në këtë foltore. Në këtë sallë, është e gjithë historia jonë. Kemi përballuar dhimbjen e padrejtësisë. Pa rininë është një Shqipëri e vdekur. LSI që nuk ka limite, që do të jetë forcë e parë. Është një moment që bënë të qartë për çdo shqiptar se kush është forcë e përgjegjshme politike.”- ka thënë Vasili.
Vasili ka komentuar edhe zgjedhjen e Ilir Metës si President.
“Ilir Meta nuk ishte ai që u zgjodh President por ishte Presidenca që e kërkoi në këtë moment të vështirë politik. Me Metën President dhe me LSI forcë e parë do të ecet përpara”, deklaroi Vasili në fjalën e tij para simpatizantëve të LSI.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
