“Metamorfoza 2”/ Rusta: Nuredin Dumani i tregoi Prokurorisë kodet e komunikimit në SKY, ja roli i të arrestuarve (VIDEO)

Gazetari Arsen Rusta duke raportuar për MCN Live foli mbi hetimet në kuadër të “Metamorfoza 2”, ku SPAK është në aksion për zbërthimin e grupeve kriminale në vend. Rusta bëri me dije se përveç informacioneve të ardhura nga partnerët ndërkombëtarë, ka ndihmuar edhe dëshmia e Nuredin Dumanit, që zbuluar kodet e komunikimit në SKY Enkro chat. Rusta thotë se pas dekriptimit të kodit, janë ballafaquar deklarimet e Dumanit me provat, dhe ato përputhem me aktivitetet e grupit kriminal.  

Ish-shefi i Krimeve në Komisariatin nr.6, menjëherë pas arrestimit për llogari të SPAK është pezulluar nga detyra Bujar Ajezi Gërmizi, ish-efektiv i Forcave Speciale, i njohur si shok dhe mik i z. Breçani, nga ana tjetër Besmir Murati dhe Jonida Babameto. MCN Live është interesuar pranë Prokurorisë së Posaçme dhe gjyqtares Elsa Ulliri, e cila të paktën deri në këto momente ka një orar, është ora 14:00 kur do të bëhet vlerësimi dhe komunikimi i masave të sigurisë, por gjithçka mbetet për t’u parë nga kërkesat e avokatëve përfaqësues të interesave të klientëve të tyre të ndaluar, nëse do të kërkojnë apo jo kohë për t’u njohur me këtë material voluminoz, i cili momentin fillestar, ose ngjizjen e ka në prill të vitit 2023, dhe më 17 nëntor është konkluduar me një vendim gjykate i cili është ekzekutuar mbrëmjen e 20 nëntorit duke bërë ndalimin e 4 personave dhe shoqërimin e dy të tjerëve, ndërsa pjesa tjetër prej 5 personash rezulton se janë në kërkim.

Kreu i këtij grupi rezulton Ervin Mata, i njohur si biznesmen, i njohur me epitetin ‘boli’, i përfshirë në përplasjen me armë në 2018-ën në zonën e ish-Bllokut, por edhe i dyshuar për narkotrafik nga Amerika Latine. Roli i Breçanit në këtë grup të strukturuar kriminal është dytësor, por gjithsesi konsiderohet i rrezikshëm, për shkak se dyshohet se ka përkrahur autorët e krimit. Përveç materialeve të ardhura nga partnerëve ndërkombëtarë, ka qenë Nuredin Dumani që ka folur sërish. Rikthehet Nuredin Dumani, dëshmitar i drejtësisë, i cili ka zbuluar për Prokurorinë e Posaçme një prej kodeve të komunikimit në SKY Enkro. Më pas ajo, kur është dekriptuar, është ballafaquar me provat dhe deklarimet e Dumanit, përputhen me disa nga aktivitetet kriminale të këtij grupi, që kanë sjellë bindjen e gjykatës për të dalë me një masë sigurie, me një vendim prej 120 faqesh, që konsiderohet ende sekret, por ndoshta në orët në vijim do ta kemi. 

Sa i përket pjesës pasurore, me zbatimin e ligjit anti-mafia, përveç hetimit penal prokurorët kryejnë edhe hetimin financiar. Është një hetim që s’ka përfunduar. Në momentin e përfundimit të hetimit pasuror, nëse veprimtaria e ligjshme mungon, atëherë pasuritë kalojnë në sekuestro dhe konfiskim”.