Njëri nga ish-themeluesit e PD-së në vitet’ 90, Zenel Hoxha, sot kryetar i Dhomës Britanike të Tregtisë, ishte i ftuari i radhës në edicionin e sotëm në “Arnautistan” të gazetarit Mustafa Nano, në MCN TV.
Duke sjellur në memorie episode të themelimit të PD, në vitet ’90 ai hoqi një paralele më gjendjen e partisë në të cilën ndodhet sot, dhe u shpreh se kjo nuk është partia që ishte dikur.
“Të gjithë bëmë historinë, sekonda ishte shekull, kënaqësi ishte me e madhe, ta lejmë modestinë pak, por pas 30 vitesh, kur kthejmë kokën pas, nuk jam i përlyer në asnjë lloj aspekti, për ta kujtuar atë periudhë me kënaqësi, Absolutisht sot, nuk është partia që kemi themeluar ne.
Hoxha foli edhe lidhur me rikthimin e Sali Berishës dhe Foltores së tij, për të cilën u shpreh se ishte i paparashikueshëm
“ Secili prej nesh jemi në gjendje që të parashikojmë gjërat, por kjo ishte e paparashikueshme, Tentativa për tu rikthyer Berisha, sipër tij është një areolë.
Vështirë që të ketë zgjidhje në këtë situatë, kam përshtypjen se secili tenton të marrë atë plaçkën e vet dhe tenton të largohet. Po të ishte mirë, por që është e pamundur pak edhe për shkak të përfshirjes së Berishës, në këtë rast, se po të ishin grupimet tjera, mund të gjendeshin alternativa por sot është e pamundur që të gjendet rruga e mesme, që do të ishte largimi i të dyve, dhe një fillim të ri, ka djem të rinj që do të konkurronin. Ok, unë do ta përshëndesja atë tundimin që ndodhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
