Ish-kryeministri i Kosovës dhe kreu i Lëvizjes Vetëvendosje, Albin Kurti, e ka cilësuar si ‘Jugosllavi e katërt’ marrëveshjen që kryeministri i Kosovës Avdullah Hoti nënshkroi në Uashington me Serbinë.
Kurti është i mendimit se se kjo Jugosllavi e re krijohet përmes zonës së Minishengenit përmes të cilës palës serbe do t’i mundësohet të ketë hegjemoni ekonomike mbi shqiptarët e Kosovës dhe Shqipërisë.
“Shqiptarët e Kosovës dhe të Shqipërisë, në këtë Jugosllavi të Katërt, do të jenë vetëm konsumatorë të mallrave serbe e do të shpresojnë se do të marrin tarifa rrugore prej kamionëve të Serbisë. Sepse prodhuesit tanë do të mbeten të pambrojtur,”- ka thënë Kurti, në një adresim para anëtarëve të Këshillit të Përgjithshëm të Vetëvendosjes, shkruajnë mediat kosovare.
Ai ka thënë se Avdullah Koti ka nënshkruar koncesionet më të mëdha që Serbisë i janë bërë prej Kosovës që nga paslufta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
