Sulm në Somali, raportohet për 32 të vrarë e dhjetëra të plagosur

Të paktën 32 persona janë vrarë dhe dhjetëra janë plagosur në një sulm në kryeqytetin somalez Mogadishu.

Gjashtë anëtarë të grupit militant somalez al-Shabaab shënjestruan restorantin në Hotel Beach View duke përdorur një bombë vetëvrasëse, sipas SONNA.

Pesë agresorë u vranë, raportoi SONNA. Është e paqartë se çfarë ka ndodhur me njërin prej agresorëve. Një video i publikuar nga vendi i sulmit tregon civilët që rrethojnë një ambulance, ndërsa njerëzit shtrihen në rërë.

Hassan Farah, një i mbijetuar i sulmit, i tha “Reuters” se ai ndodhej me miqtë e tij në restorant kur ndodhi ngjarja e rëndë.

"Në një sekondë ndodhi diçka si rrufe dhe një shpërthim i madh," tha ai. “Ne ishim të mbuluar me tym. Brenda dhe jashtë restorantit, shumë njerëz ishin shtrirë në dysheme, ndërsa të tjerët ishin të gjakosur dhe duke qarë.”

Al-Shabaab ka marrë përgjegjësinë për sulmin, duke thënë se ata kishin në shënjestër zyrtarët dhe oficerët somalezë, sipas Grupit të Inteligjencës SITE, i cili gjurmon aktivitetin online të organizatave ekstremiste.