Ekzekutohet truri që organizoi sulmet terroriste në Francë. Lajmi bëhet i ditur nga autoritetet amerikane të cilat bëjnë të ditur se kanë vrarë Rashid Kassim.
Ish-reperi Rashid Kassim, armiku publik numër një i Francës i njohur për propagandën e tij pro ISIS është goditur nga një dron amerikan në Mosul të Irakut.
Lajmi për vrasjen e tij tashmë po verifikohet nga 007 franceze. Mediat franceze thonë se ky informacion ka ardhur direkt nga CIA.
Kassim është shpallur në kërkim që kur u nis për në Siri në vitin 2012.
Nga viti 2015, nëpërmjet rrjeteve sociale, ai u bënte apel xhihadistëve në Francë që të hidheshin në veprim, u jepte këshilla dhe u siguronte kontaktet me grupet terroriste.
Ai vepronte sidomos me anë të Telegramit, shërbim i kodifikuar postar në internet dhe që preferohet nga xhihadistët pasi është më i blinduar.
Kassim konsiderohet nxitësi i vrasjes së At Zhak Hamel në kishën franceze të SaintÉtienneduRouvray, pranë Rouenit në korrik të 2016.Ai prej kohësh kërkohej nga shërbimi inteligjent francez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
