Kërkesa e opozitës për ngritjen e një komisioni hetimor për “dosjen Beketi”, sipas gazetarit Mustafa Nano nuk synon të vërtetën, por është vetëm show.
Nga studio e lajmeve të MCN TV, Nano tha se procesi është i mbyllur, ndërkohë që akuzoi opozitën për faktin që nuk foli gjatë fushatës për çështjen Beketi.
Pjesë nga intervista:
Z. Nano, PS nuk pranoi sot të ngrinte komisionin hetimor të kërkuar nga PD për dosjen Beketi. Cilat janë arsyet sipas jush, veçse atyre që dëgjuam nga z. Balla?
Nano: Ky shpjegim më duket absurd, pse kërcënohet interesi i Shqipërisë? Procesin unë e quaj të mbyllur. Më duket se maxhoranca po kërkon kohë për një komision parlamentar hetimi. Ashtu s’më duket normale kjo kërkesë e opozitës. Nuk e kuptoj pse opozita nuk e përmendi këtë gjatë fushatës. Këto komisione hetimi mua nuk ma mbushin mendjen, nuk synojnë të vërtetën, por vetëm shoën.
Çipa: Janë dy aspekte, i pari lidhet me dëmin financiar dhe dikush duhet të japë llogari. Duhej të ishte mirëllogaritur. Ky proces i ka kaluar nivelet e gjykimit dhe beteja është e humbur dhe meriton ndërshkim politik. Për s ai përket faktit pse opozita e rikthen ndaj të njëjtin mendim me Nanon, i duhet një kauzë opozitës në marrëdhënie me kundërshtarët.
Për të dy, duke mbetur tek raportet PD-PS. Mendoni se mund të ketë realisht një kërkesë për Pazar, që demokratët të pranojnë zgjatjen e vetiung në këmbim të ndarjes së re të territorit?
Nano: Nëse do ishte e vërtetë nuk do ishte Pazar, janë llogari politike. Por nuk kam informacion nëse kjo është e vërtetë. Në opinionin tim Basha nuk ka bërë pazare por zgjedhje shumë të gabuara, ka humbur zgjedhjet, është një dështak.
Çipa: Politika në demokraci është akt i marrëveshjeve. Basha është renditur si humbës politik, por vetingu është një kërkesë. Faktori ndërkombëtar do ketë një rol më potent në ditët e ardhshme. Ka një kërkesë që pritet të shqyrtohet për 5 bashki në vend dhe nëse do jetë pro opozitës duhen përshpejtuar zgjedhjet administrative.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
