Një vetmitar i quajtur nga mediat si "njeriu më i ndyrë në botë" ka vdekur në moshën 94-vjeçare, vetëm disa muaj pasi u la për herë të parë pas disa dekadash. Amou Haji kishte refuzuar të përdorte sapun dhe ujë për më shumë se gjysmë shekulli, nga frika se do të sëmurej.
Iraniani, i cili jetonte në provincën jugore të Fars, kishte shmangur përpjekjet e mëparshme të fshatarëve për ta pastruar atë. Por, thonë mediat lokale, Amou Haji më në fund iu nënshtrua presionit dhe u la disa muaj më parë.
Sipas agjencisë iraniane të lajmeve IRNA, ai u sëmur pak më vonë dhe vdiq të dielën. Në një intervistë të mëparshme, dhënë Tehran Times në vitin 2014, ai zbuloi se vakti i tij i preferuar ishte dergu dhe se jetonte mes një vrime në tokë dhe një kasolle me tulla të ndërtuar nga fqinjët e shqetësuar në fshatin Dejgah.
Ai tha në atë kohë se zgjedhjet e tij të pazakonta ishin "të pengesave emocionale" kur ai ishte më i ri.
Vite të tëra që nuk lahej e kishin lënë atë me lëkurë të mbuluar me "blozë dhe qelb", tha IRNA, ndërsa dieta e tij përbëhej nga mishi i kalbur dhe uji johigjienik i pirë nga një kanaçe e vjetër vaji.
Ai ishte gjithashtu i dhënë pas duhanit, duke u fotografuar duke pirë më shumë se një cigare në të njëjtën kohë. Përpjekjet për ta larë atë, ose për t'i ofruar ujë të pastër për të pirë, e trishtuan atë, tha agjencia e lajmeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
