Një i ri shqiptar ka humbur jetën tragjikisht në një aksident rrugor në Itali. Përplasja fatale ndodhi mbrëmjen e së enjtes, në Salento, pranë Torre Specchia.
Viktimë mbeti Aldo Gjoka, 29 vjeç, lindur në Tiranë por banues në Leçe, i cili ndërroi jetë pas përplasjes mes motorit të tij dhe një makine Jaguar që drejtohej nga një 44 vjeçar, gjithashtu me origjinë shqiptare.
Makina përfundoi në një parmak ndërsa motori u përplas me murin rrethues të një prone private, duke marrë flakë.
29-vjeçari gjeti vdekjen e menjëhershme, si pasojë e plagëve të marra. Njohja e viktimës nuk ishte e lehtë pasi flakët që përfshinë motorin i shkatërruan edhe dokumentet.
Lajmi për vdekjen e Aldo Gjokës u përhap me shpejtësi, duke ngjallur trishtim tek miqtë dhe të afërmit e tij, të cilët në rrjetet sociale i dedikuan mesazhe 29-vjeçarit të njohur si “Aldino”.
I cilësuar nga të gjithë si një person gjithmonë i qeshur dhe gazmor. Imazhet e të riut me miqtë kanë vërshuar në rrjetet sociale. Një fat tragjik për 29-vjeçarin i cili në mënyrë të ngjashme humbi shokun e tij më të mirë në një aksident me motor në 15 qershor 2018.
Ai quhej Cristiano Spedicato, i cili vdiq në moshën 23-vjeçare në një aksident në Castromediano, jashtë Leçes. Vetë Aldo i kishte kushtuar një dedikim mikut të tij gjatë Krishtlindjeve vitin e kaluar, duke shkruar “Ti je i vetmi person që ndoshta do të më mungojë gjithmonë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
