Biznesmeni Behgjet Pacolli ka bërë të ditur se ditën e hënë do të rifillojnë punimet në kantierin e Aeroportit të Vlorës.
Sipas tij, në terren do të rikthehen mbi 200 specialistë dhe nënkontraktorë, në përputhje me vendimet e Gjykatës së Lartë dhe të Asamblesë së aksionarëve të VIA-s.
Në reagimin e tij, Pacolli thekson se ndërprerja e mëparshme e punimeve ka ardhur si pasojë e bllokimeve dhe mosmarrëveshjeve ligjore, ndërsa rifillimi i tyre shënon, sipas tij, rikthimin e ligjshmërisë dhe vazhdimin e një projekti të rëndësishëm infrastrukture.
Ai i bën thirrje të gjitha palëve të respektojnë vendimet e institucioneve gjyqësore dhe të shmangin veprimet që pengojnë zhvillimin e projektit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
