Një gjykatë franceze hodhi poshtë apelin e ish-shefit i stafit të Nicolas Sarkozy, duke e dënuar atë me një vit burg për shpërdorimin e fondeve publike, raporton AFP.
Claude Guéant, i cili gjithashtu shërbeu si ministër i Brendshëm nga viti 2011 deri në vitin 2012, gjatë presidencës së Sarkozy-së, u dënua për përvetësimin e fondeve të policisë speciale. Fondi në fjalë synonte të mbulonte shpenzimet e agjentëve në terren për pagesa si ajo për informatorët, shpërblime për anëtarët e stafit ministror etj. Në atë kohë, Sarkozi ishte ministër i Brendshëm dhe Guéant ishte shefi i stafit të tij.
Sipas gjykatës, Guéant mori 10 000 euro kesh në muaj në mes të viteve 2002 dhe 2004 nga Michel Gaudin, drejtori i përgjithshëm për policinë kombëtare në atë kohë. Gjysma e këtyre parave shkoi direkt në xhepin e Guéant. Faturat e gjetura në shtëpinë e tij sugjeronin se ato ishin përdorur për të mbuluar shpenzimet personale, si p.sh. rinovimi i mobilimit të shtëpisë.
Pjesën tjetër të shumës, ai e ka paguar në formën e "shpërblimeve" për tre anëtarë të stafit.
Hetuesit i zbuluan dokumentet kompromentuese ndërsa kontrollonin shtëpinë e Guéant në kudarë të një hetimi tjetër, i cili kishte nisur nga dyshimet se fushata presidenciale e Sarkozy-së në vitin 2007 ishte financuar me fonde që kishin lidhje me Libinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
