Një operacion anti-drogë është zhvilluar pasditen e sotme nga policia në lagjen “Don Bosko” të Tiranës.
Nga burime policore mësohet se efektivët i kanë kërkuar një automjeti që të ndalonte. Drejtuesi i mjetit nuk ju bind urdhrit nga uniformat blu, duke tentuar të përplaste postbllokun.
Në një situatë të tillë, policia u detyrua të qëllonte me armë, duke lënë të plagosur drejtuesin e mjetit, identiteti i të cilit nuk bëhet i ditur.
Operacioni ka ndodhur gjatë pasdites, por është mësuar vetëm gjatë orëve të mbrëmjes. Deri tani nga Policia e Tiranës nuk ka ende asnjë njoftim zyrtar.
Të njëjtat burime sqaruan se gjatë kontrollit në banesën e të arrestuarit është gjetur një sasi droge, por nuk dihet pesha e saktë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
