Tirana mori një fitore shumë të rëndësishme, teksa mposhti me rezultatin 3-2 Kukësin, në ndeshjen e vlefshme për javën e 13-të në Superiore.
Në “Air Albania”, u zhvillua një përballje spektakolare, nga të dyja ekipet. Bardheblutë kaluan të parët në avantazh në minutën e 15-të me Deliun, ndërsa miqtë barazuan me Beshiraj në minutën e 53-të.
Në minutën e 62-të, verilindorët mbetën me 10 lojtarë pasi Duka u ndëshkua me krartonin e dytë të verdhë. Gjithsesi, edhe pse në inferioritet numerik, Kukësi ia doli të shënojë golin e përmbysjes në minutën e 80-të me Momoh.
Tirana nuk u dorëzua dhe përmbysi rezultatin, falë golave të Përgjonit në minutën e 88-të dhe Kaina në minutën e 90-të.
Me këtë fitore, Tirana mban vendin e tretë me 21 pikë, ndërsa Kukësi renditet i gjashti me 14 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
