Situata e shkaktuar nga zjarret në Gramsh vazhdon të jetë kritike, ku 10 fshatra të njësisë administrative Skënderbegas janë përfshirë nga flakët. Gazetarja Entela Duka në një raportim për edicionin e lajmeve në MCN TV bën me dije se pjesa dërrmuese e pasurisë së banorëve, duke përfshirë edhe bagëtitë, janë djegur.
“Aktualisht rezulton se 10 fshatra në njësinë administrative Skënderbegas janë përfshirë nga zjarri. Në shumicën e tyre, thuajse është djegur gjithçka, ose ka mbetur fare pak pas, nga pasuritë e banorëve. Situata vijon të jetë kritike, edhe për shkak të intensitetit të erës. Në minutat e fundit e gjithë vëmendja është e përqendruar në Skënderbegas, Nartë dhe Harunas. Sot banorët kanë pasur mundësi që të zbresin në fshatrat poshtë edhe bagëtitë e tyre, pasi sikundër ata thonë është një nga pasuritë që i ka ndihmuar për të mbijetuar. Është ndërhyrë nga autoritetet qoftë nga ajri, por edhe nga toka. Ministria e Bujqësisë po punon në terren për të groposur të gjitha bagëtitë që rezultojnë të djegura”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
