Deputeti i Partisë Demokratike, Enkelejd Alibeaj në interpelancë me ministrin e Drejtësisë Ulsi Manjën për amnistinë penale, i kërkoi të dhëna konkrete në lidhje me përfituesit e dënuar nga GJKKO që kanë përfituar nga amnistia. Alibeaj tha se arsyeja e vërtetë e miratimit të amnistisë natën, ishte vetëm për arsye politike.
Mediat kanë raportuar sipas informacionit të marrë nga SPAK, mbi 100 të dënuar për korrupsion u amnistuan. Një ligj i gatuar në errësirën e natës, në shkelje të procedurës parlamentare, me shpejtësi, pjellë e një pazari transversal të pamoralshëm politik, nxori nga burgu apo uli dënimin e mbi 100 të dënuarve për korrupsion (e me gjasë të tjerë do vijojnë të përfitojnë ditët në vazhdim). Mbi 110 deputetë u bënë bashkë për të nxjerrë të korruptuarit nga burgu. Ajo që publiku është i interesuar të dijë është se përzë janë liruar të dënuarit nga GJKKO. Cilët ishin propozuesit. A u konsultuan ndryshimet me institucionet e drejtësisë? Akoma nuk keni publikuar listën e përfituesve. Sa ishte numri i përfituesve nga të dënuarit e GJKKO. S’dua ta bëj një loj të neveritshëm shifrat, por arsyet e vërteta të miratimit të amendamenteve natën janë politikë. Dihet mirë se cilat janë mesazhet që nëpërmjet kësaj amnistie ju dërguan publikut shqiptar.’- tha Alibeaj.
Lidhur me këtë ministri i drejtësisë Ulsi Manja u shpreh se ministri nuk mban përgjegëjsi për atë që voron parlamenti. Ai tha se nuk ka mashtruar për këtë projektligj dhe se vullneti i qeverisë ishte që mos të përfitonin të dënuarit nga GJKKO. Sipas tij kanë përfituar vetëm 8 të dënuar nga GJKKO që nuk janë simbol i korrupsionit në Shqipëri.
Sado të përpiqen unë të shpjegoj të vërtetën ju do besoni të vërtetën tuaj. Ligji për anistinë penale u votua në këtë kuvend dhe është bërë me respekt të plotë. Ju përmendi dy agjenci mediash, por sot flasin institucionet sepse amnistia zbatohet nga institucionit. Projektligji i propozuar në kuvend dhe qëndrimi politik i qeverisë shqiptare është pasqyruar në draftin e qeverisë i depozituar në kuvend dhe siç e do respekti ndaj ligjit dhe rregullores është konsultuar me të gjithë organet e drejtësisë. Amnistia, ministri mban përgjegjësi për draftin që u dërgon këshillit të ministrave dhe jo për ligjin e votuar në kuvend me vullnet. Nuk kam mashtruar askënd, por nuk kam amnistuar asnjë të dënuar nga GJKKO që përcakton qartësisht juridiksionit e kompetencës kundër krimit dhe korrupsionit. Ata që kanë përfituar nga amnistia me ulje dënimi dhe që janë dënuar nga GJKKO dhe këtu ushtrimi i ndikimit të paligjshëm janë vetëm 8 dhe asnjë prej tyre nuk është simbol i korrupsionit të republikës së Shqipërisë, nënëpunës por kurrsesi zyrtarë të lartë.
Më tej ai shtoi se kjo amnisti në raport me nevojat dhe garantimit të standardeve kjo amnisti është e butë dhe do duhej të ishte më e gjerë se sa ishte sepse sot që flasim dhe pse është zbatuar amnistia janë ende 4918 të dënuar.
Kjo amnisti ishte e domosdoshme për shkak të mbipopullimit në burgjeve, pandemia dhe gjendja shëndetësore e të dënuarve, rritja e kostove financiare dhe mungesa e burimeve njerëzore. Në programin analitik të akteve ishte dhe bërja e kësaj amnistie. Raportet e monitorimit të sistemit të burgjeve bërë nga avokati i popullit në të gjitha këto dokumente mbipopullimi i burgjeve mbetet problem madhor kemi një rritje të lartë të masës së sigurimit personal të masës arrest me burg dhe numri i të burgosurve është rritur me 60% ndërsa në vendet evropiane ku ne duhet të shkojmë është 25%. Kostoja e një të dënuari shkon në 36 euro në ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
