Taksa 100% mbi produktet serbe është sërish në qendër të bisedimeve të krerëve të koalicionit qeverisës në Kosovë me ambasadorin amerikan, Philip Kosnett.
Kryeministri i Kosovës, Ramush Haradinaj, presidenti Hashim Thaçi dhe kryetari i Kuvendit, Kadri Veseli, janë takuar në orën 09:00.
Ndërkohë, një takim tjetër në këtë kuadër është zhvilluar pasditen e së mërkurës.
Krerët e koalicionit qeverisës kanë qëndrime të ndryshme në lidhje me taksën.
Kryeministri Haradinaj është i bindur në mosanulimin e saj, pavarësisht presionit të SHBA-ve dhe BE-së, ndërsa kreu i Kuvendit, Kadri Veseli, ka hedhur idenë e një pezullimi disamujor për t’i dhënë kohë Serbisë të njohë Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
