Inteligjenca artificiale, mbërrin përkthimi edhe për gjuhët e pashkruara

Mbërrin sistemi i parë i përkthimit për gjuhët e pashkruara bazuar në Inteligjencën Artificiale (AI).

Është zhvilluar nga Meta, kompania mëmë e Facebook, e cila ka punuar në Hokkien, një nga gjuhët zyrtare të Tajvanit, e folur nga emigrantët kinezë, por pa një formë standarde të shkruar. Sistemi i përkthimit është faza e parë e projektit Universal Speech Translator të Meta AI, i cili përqendrohet në zhvillimin e sistemeve të inteligjencës artificiale të afta të ofrojnë përkthim në kohë reale të gjuhës së folur, në të gjitha gjuhët.

“Mbledhja e mjaftueshëm e të dhënave ishte një pengesë e rëndësishme që doli gjatë krijimit të sistemit të përkthimit”- thotë Meta.

Deri më tani, përkthimet e kryera nga Inteligjenca Artificiale janë fokusuar kryesisht në gjuhët e shkruara. 

Meta thotë se mbi 40 për qind e 7000 gjuhëve që përdoren aktualisht janë gojore, dhe nuk kanë një formë standarde të shkruar ose një sistem shkrimi të miratuar gjerësisht.