Prefekti i Qarkut të Vlorës, Flamur Mamaj tha përmes një lidhje “Skype” me studion e lajmeve në MCN Tv se ngjarja e ditës së sotme në Radhimë ishte e veçuar he se ka ardhur për motive të dobëta mes dy vëllezërve.
Mamaj tha se asnjë nga vëllezërit nuk ka qenë pronar i stacionit të plazhit në fjalë dhe theksoi dhe një herë se arrestimi i autorit është bërë brenda një ore.
Unë mund të them që kjo është një ngjarje e veçuar dhe ka ardhur për motive të dobëta. E kam ndjekur ngjarjen pasi jam vënë në dijeni nga drejtori i policisë së qarkut dhe nga të gjitha rrethanat tregojnë se kjo situatë ka ndodhur për motive të dobëta.
E cilësoj fragment të shkëputur, por nuk mund të prishë sezonin, pasi të gjitha masat që janë marrë i japin Vlorës dhe qarkut një mundësi për zhvillimit e turizmit gjatë gjithë periudhës.
Mund të them që vëllezërit nuk janë pronarë të stacionit të plazhit është mamaja e tyre. Dhe kanë pasur motivet që janë grindur si vëllezër. Këtë vit dhe vitet e tjera, policia e shtetit është në koordinim të plotë me të gjitha institucione vendore dhe me prefektin e qarkut në koordinim për të pasur siguri dhe bashkëpunim.
Profesionalizmi tregoi që brenda një orë është arrestuar ky person që shkaktoi këtë konflikt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
