Nano: Ambasadorët duhet të jenë më pak protagonistë në jetën publike

Analisti dhe gazetari Mustafa Nano sheh dallime mes dy ambasadorëve të fundit amerikanë në Shqipëri. Në studion e TvT, Nano tha se ambasadorja aktuale, Yuri Kim, ka zgjedhur të jetë më diplomatike në raport me politikën në Shqipëri. Megjithatë, Nano thekson se ambasadorët e huaj duhet të jenë më pak protagonistë në jetën publike.

“Kim duhet të jetë më e drejtpërdrejtë. Ambasadorët duhet të jenë më pak protagonistë në jetën publike. Ata krijojnë një lloj bezdie te një pjesë e opinionit publik shqiptar. Kur dalin, nëse dalin, duhet të jenë më të qartë, brenda kufijve që u vendos profesioni. Kam përshtypjen që ambasadorët amerikanë marrin formën e rrethanës politike në të cilën veprojnë. Ambasadori Donald Lu ishtë në kufijtë e brutalitetit. Kim është më diplomate. Ajo po bën atë që mendon se duhet bërë. Mendon se sjellja diplomatike i mjafton për ta kryer misionin e vet”, tha Nano.