Presidenti brazilian Luiz Inacio Lula da Silva ka bërë thirrje për një armëpushim urgjent në konfliktin Izrael-Palestinë për të mbrojtur fëmijët e kapur nga dhuna.
Ai ka kërkuar veprim të menjëhershëm nga OKB-ja dhe komuniteti ndërkombëtar për të parandaluar abuzimet e të drejtave të njeriut.
Në një postim në X (ish-Twitter) të mërkurën, udhëheqësi brazilian i bëri thirrje Sekretarit të Përgjithshëm të OKB-së Antonio Guterres dhe vendeve në mbarë botën që t'i japin fund “shkeljes më të rëndë të të drejtave të njeriut në konfliktin në Lindjen e Mesme".
“Fëmijët nuk duhet të mbahen kurrë peng, kudo në botë,” këmbënguli Lula.
Presidenti theksoi se Hamasi duhet të lirojë fëmijët izraelitë që janë rrëmbyer nga familjet e tyre dhe se Izraeli duhet të ndalojë bombardimet e Gazës në mënyrë që fëmijët palestinezë dhe nënat e tyre të largohen nga zona dhe të kalojnë kufirin me Egjiptin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
