Një 31-vjeçare nga Shqipëria u arrestua në Greqi, pasi u kap me një sasi prej 90 kg hashash. Policia e Selanikut arrestoi një shtetas grek 39 vjeç dhe një shqiptare 31 vjeçe.
Arrestimi i tyre erdhi pas një kontrolli të ushtruar nga policia në shtëpinë dhe makinën e tyre, ku u gjetën në total 88 kg dhe 988 g. kanabis, nga të cilat 12.4 kg të përpunuara në trajtën e njohur si “çokollatë” dhe të paketuara në 23 paketa, si dhe 554,8 g kokainë dhe 384 g i pluhur i bardhë, i ngjashëm me karakteristikat e kokainës.
Policia sekuestroi edhe pajisje që shërbenin për konfeksionimin e lëndës narkotike si edhe një shumë prej 3350 eurosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
