Pamje dramatike janë bërë publike në media kur një shtëpi u shemb dhe u mor nga ujërat e rrëmbyeshëm që rridhnin nëpër rrugët e qytetit Arhavi të enjten në Turqi.
Sipas mediave lokale fatmirësisht në shtëpi nuk ndodhej asnjë njeri.
Hyrja në dhjetëra fshatra në provincën Artvin u bllokuan dhe ekipet e shpëtimit evakuuan rreth 200 qytetarë.
Përmbytjet janë të zakonshme përgjatë rajonit bregdetar të Turqisë në këtë kohë të vitit.
Javën e kaluar gjashtë persona mbetën të vdekur dhe dy të tjerë u zhdukën nga përmbytjet në provincën Rize.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
