Kryetari i Këshillit nacional Shqiptar në Luginën e Preshevës, z. Ragmi Mustafi, në një komunikim për edicion e lajmeve në MCN tv, foli sot për takimin me emisarin për Ballkanin Perëndimor, Gabriel Escobar.
Ai tha se qeveria amerikane është e përkushtuar në çështjen e shqiptarëve të Luginës së Preshevës.
Për ne ishte jashtëzakonisht impresive pasi patëm takim të drejtpërdrejtë me të dërguarin e Ballkanit Perëndimor, z.Escobar, ku në mënyrë të hapur diskutuam sa i përket çështjes së shqiptarëve në Luginën e Preshevës, dhe sa i përket dialogu Kosovë-Serbi, apo edhe të një thirrje komfor realizimit të aspiratave politike të shqiptarëve në Luginë.
Ai dha një mesazh të qartë se SHBA ka një interes të jashtëzakonshëm s ai përket shqiptarëve në Luginën e Preshevës.
Mustafi ka thënë se autoritetet në Kosovë i kanë siguruar që në procesin e bisedimeve përkatësisht marrëveshjes Kosovë-Serbi, proces qenësor do të jetë parimi i reciprocitetit, në mënyrë që atë që e marrin komuniteti serb në Kosovë ta merr edhe komuniteti shqiptar në Luginën e Preshevës.
Asnjëherë nuk kemi dashur të komentojnë çështjet e zhvillimeve qoftë në Tiranë, qoftë në Prishtinë.
Megjithatë kjo mbetet mbi autoritetet e Prishtinës, të vendosin në çfarë formë dhe mënyre do të na akomodojnë komunitetin gjatë këtij procesi por ajo që u shpreh qartë nga zyrtarët e lartë, nga kryeministri, qoftë edhe nga presidentja Osmani, se gjithçka që është e mundur të jetë brenda Kushtetutës së Republikës së Kosovës.
Krahas asaj, do të kërkojnë që edhe çështja e shqiptarëve të Luginës së Preshevës të jetë pjesë e këtij procesi, sepse nuk ka asnjë arsye, që një komuniteti ti ofrohet një standard tjetër i të drejtave, përderisa komuniteti shqiptar të luginës i mohohen të drejtat më elementare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
