Pyetjes nëse piktura është një akt zhvatje, piktori Gazmend Leka iu përgjigj duke thënë se në të gjitha kohërat artistët i kanë shitur punimet e tyre dhe sipas tij kjo është normale.
Leka tha në "Arnautistan" në MCN TV se së fundmi ka çelur një ekspozitë nudo që titullohet “Kaloi një grua”. Në 7-8 vitet e fundit tregoi ai ka punuar gjatë gjithë vitit dhe në fund ka bërë ekspozita të cilat i quan dhuratë për veten.
“Kjo ekspozitë titullohet “Kaloi një grua” dhe është ekspozitë e plotë. Vitet e fundit kam bërë çdo vit nga një ekspozitë. Punoj gjatë gjithë vitit dhe në fund tetori i bëj vetës një dhuratë vetes meqë kam dhe ditëlindjen. Unë jam profesor dhe në ekspozitat i mia u jap një shembull edhe studentëve të mi. Në të gjitha kohërat artistët i kanë shitur punimet e tyre dhe kjo është normale, e drejtë. Kur vjen dikush dhe më kërkon pikturë unë e pyes gjatë nëse i pëlqen, sepse më intereson që ta pëlqejë. Me koleksionistët lidhesh intimtimisht sepse ai të çon me punë jashtë”, tha Leka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
