Komisioni i Pavarur i Kualifikimit ka shkarkuar nga detyra kreun e Gjykatës së Tropojës, Dritan Seci.
Trupa gjykuese e përbërë nga Roland Ilia, Valbona Sanxhaktari dhe Olsi Komici, të cilët kryen procesin e vetingut për Secin, e gjetën atë të papërshtatshëm për të vazhduar detyrën.
Seci nuk arriti të kalonte me sukses tri shtyllat e rivlerësimit për gjyqtarët, analizën e pasurisë, kontrollin e figurës dhe vlerësimin e aftësive profesionale.
Komisioni ka konstatuar se Seci nuk justifikon blerjen e një apartamenti në vitin 2012, në Bajram Curri.
Po ashtu, burime të pamjaftueshme financiare nuk justifikojnë blerjen e një lokali shërbimesh, sërish në qytetin e Bajram Currit, si dhe të një apartamenti në Yzberisht të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
