Mosdakordësia në lidhje me taksën ndaj produkteve serbe ka nxitur partnerin më të madh të koalicionit, PDK-në, që të paralajmërojë rrëzimin e qeverisë.
Pak ditë më parë, kryetari i Kuvendit, Kadri Veseli, i cili njëherësh është edhe lider i PDK-së, tha se asnjë qeveri nuk mund t’i rrezikojë raportet me SHBA-të.
Megjithatë kryeministri Haradinaj përsëriti edhe gjatë ditës së djeshme se tarifa ndaj produkteve serbe do të vazhdojë të mbetet në fuqi.
Ndërkohë, kreu i grupit parlamentar të LDK-së, Avdullah Hoti, thotë se në kushtet kur politika po dëmton interesat e vendit, duhen zgjedhje të reja.
“Për të dalë nga kjo situatë, sa më parë duhet t’u japim mundësi qytetarëve të shtetit sovran të Republikës së Kosovës në kufijtë e 17 shkurtit 2008 të thonë fjalën e tyre në zgjedhje të lira”, citon gazeta “Zëri” kreun e grupit të LDK-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
