Një plagosje me armë zjarri është regjistruar mëngjesin e kësaj të shtunë ne qytetin e Shkodrës. Bëhet me dije se ngjarja ka ndodhur në afërsi të shkollës pyjore dhe i plagosur ka mbetur 54-vjeçari Nikolin Huba.
54-vjeçari ka marrë dy plumba në këmbë, ndërsa menjëherë është dërguar në spitalin e Shkodrës, ku raportohet se ndodhet jashtë rrezikut për jetën, ndërsa ende nuk dihet arsyen e plagosjes.
Më datë 04.09.2021, rreth 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi N. H., 54 vjeç, banues Vau Dejës.
Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit.
Grupi hetimor nën drejtimine Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
