Rreth 56% e grave mendojnë se në Shqipëri ka një shkallë të kënaqshme të barazisë gjinore. Kjo është një nga gjetjet e një studimi mbi gratë, i kryer së fundmi. Stine Klapper, drejtoresha e fondacionit Fridrich Ebert, i cili ka mbështetur studimin, thotë se pavarësisht se mbetet ende për të bërë, në këtë drejtim është bërë shumë.
Sipas studimit, 58% e të anketuarave raportojnë se, edhe nëse do t’u jepej një shans, u mungon iniciativa për të filluar një biznes. Valbona Sulçe, njëra prej katër autoreve, thotë se kjo shifër është tregues i mungesës së infrastrukturës që u lehtëson grave hyrjen në biznes.
Diferencimi gjinor në paga në Shqipëri është pothuajse inekzistent. Rreth 88% e të pyeturave thonë se nuk ka hendek gjinor në vendin e tyre të punës, kundrejt vetëm 7% që thonë se e kanë përjetuar atë.
Po ashtu, sipas sondazhit, vetëm 6% e grave raportojnë se në vendin e tyre të punës kanë ndier diskriminim për shkak të gjinisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
